ਮਿਸ਼ਨ ਸਮਰਥ ਤਹਿਤ ਬਲਾਕ ਰਿਸੋਰਸਪਰਸਨ ਸੈਕੰਡਰੀ ਦੀ ਤਿੰਨ ਰੋਜ਼ਾ ਸਿਖਲਾਈ ਵਰਕਸ਼ਾਪ ਜਾਰੀ ਸੈਕੰਡਰੀ ਸਕੂਲਾਂ ਦੇ ਅਧਿਆਪਕਾਂ ਨੂੰ ਸਿਖਲਾਈ ਦੇਣ ਲਈ ਬਲਾਕ ਰਿਸੋਰਸਪਰਸਨਾਂ ਨੂੰ ਦਿੱਤੀ ਜਾ ਰਹੀ ਹੈ ਵਿਸ਼ੇਸ਼ ਸਿਖਲਾਈ- ਡੀਈਓ ਸ਼ਿਵਪਾਲ ਗੋਇਲ ਪੰਜਾਬ ਸਰਕਾਰ ਦੇ ਸਕੂਲ ਸਿੱਖਿਆ ਵਿਭਾਗ ਅਤੇ ਐੱਸਸੀਈਆਰਟੀ ਪੰਜਾਬ ਵੱਲੋਂ ਸਕੂਲੀ ਸਿੱਖਿਆ ਵਿੱਚ ਸੁਧਾਰ ਕਰਨ ਲਈ ਲਗਾਤਾਰ ਉਪਰਾਲੇ ਕੀਤੇ ਜਾ ਰਹੇ ਹਨ। ਸਿੱਖਿਆ ਸੁਧਾਰਾਂ ਨੂੰ ਅੱਗੇ ਵਧਾਉਂਦਿਆਂ ਵਿਭਾਗ ਵੱਲੋਂ ਸਕੂਲੀ ਸਿੱਖਿਆ ਦੇ ਮੁਹਾਂਦਰੇ ਨੂੰ ਨਿਖਾਰਨ ਅਤੇ ਗੁਣਾਤਮਕ ਸਿੱਖਿਆ ਨੂੰ ਬੜਾਵਾ ਦੇਣ ਲਈ ਮਿਸ਼ਨ ਸਮਰਥ ਪ੍ਰੋਜੈਕਟ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਜਿਸ ਤਹਿਤ ਡਾਇਟ ਕੌੜਿਆਂਵਾਲੀ ਵਿਖੇ ਜ਼ਿਲ੍ਹਾ ਫ਼ਾਜ਼ਿਲਕਾ ਦੇ ਬਲਾਕ ਰਿਸੋਰਸਪਰਸਨ ਸਕੈਡੰਰੀ ਨੂੰ ਤਿੰਨ ਰੋਜ਼ਾ ਸਿਖਲਾਈ ਦਿੱਤੀ ਜਾ ਰਹੀ ਹੈ। ਸਿਖਲਾਈ ਦੇ ਪਹਿਲੇ ਦਿਨ ਸਟੇਟ ਦਫ਼ਤਰ ਤੋਂ ਸਹਾਇਕ ਡਾਇਰੈਕਟਰ ਟ੍ਰਨਿੰਗਾ ਸ਼ੰਕਰ ਚੌਧਰੀ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸਕੈਡੰਰੀ ਸ਼ਿਵਪਾਲ ਗੋਇਲ, ਡਾਇਟ ਪ੍ਰਿੰਸੀਪਲ ਡਾਂ ਰਚਨਾ ਨੇ ਉਚੇਚੇ ਤੌਰ ਤੇ ਇਸ ਸਿਖਲਾਈ ਕੈਂਪ ਦਾ ਦੌਰਾ ਕਰਕੇ ਸਿਖਲਾਈ ਪ੍ਰਾਪਤ ਕਰਕੇ ਰਹੇ ਰਿਸੋਰਸਪਰਸਨਾ ਦੀ ਹੌਂਸਲਾ ਅਫਜ਼ਾਈ ਕੀਤੀ।ਦੂਜੇ ਦਿਨ ਦੀ ਟ੍ਰੇਨਿੰਗ ਦੌਰਾਨ ਉੱਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸਕੈਡੰਰੀ ਪੰਕਜ਼ ਕੁਮਾਰ ਅੰਗੀ ਵੱਲੋਂ ਪਹੁੰਚ ਕੇ ਸਿਖਲਾਈ ਲੈ ਰਹੇ ਅਧਿਆਪਕਾਂ ਨਾਲ ਵਿਚਾਰ ਵਟਾਂਦਰਾ ਕੀਤਾ।ਸਟੇਟ ਰਿਸੋਰਸਪਰਸਨ ਵਤਨ ਸਿੰਘ ਦੀ ਦੇਖਰੇਖ ਹੇਠ ਸਟੇਟ ਟੀਮ ਤੋਂ ਸਿਖਲਾਈ ਪ੍ਰਾਪਤ ਸਕੈਡੰਰੀ ਵਿੰਗ ਦੇ ਰਿਸੋਰਸਪਰਸਨ ਅਸ਼ੋਕ ਧਮੀਜਾ,ਨਵੀਨ ਬੱਬਰ, ਇਸ਼ਾਨ ਠਕਰਾਲ, ਮਨਦੀਪ ਸਿੰਘ ਵੱਲੋਂ ਸਕੈਡੰਰੀ ਵਿਭਾਗ ਦੇ ਬਲਾਕ ਰਿਸੋਰਸਪਰਸਨਾ ਨੂੰ ਟ੍ਰੇਨਿੰਗ ਦਿੱਤੀ ਜਾ ਰਹੀ ਹੈ।ਜਿਸ ਵਿੱਚ ਜ਼ਿਲ੍ਹੇ ਦੇ ਸਕੈਡੰਰੀ ਵਿਭਾਗ ਦੇ 24 ਰਿਸੋਰਸਪਰਸਨ ਅਧਿਆਪਕਾਂ ਨੂੰ ਸਿਖਲਾਈ ਦਿੱਤੀ ਜਾ ਰਹੀ ਹੈ,ਜੋ ਅਗਲੇ ਦਿਨਾਂ ਵਿੱਚ ਆਪੋ ਆਪਣੇ ਬਲਾਕਾਂ ਵਿੱਚ ਸਮੂਹ ਅਧਿਆਪਕਾਂ ਨੂੰ ਸਿਖਲਾਈ ਦੇਣਗੇ।